Cheek Itiyoophiyaan pirojekitii Interniwus ta’ee Hagayya 2012 kan hundeeffame yoo ta’u, kaayyoon isaas tattaaffii odeeffannoo sobaa Itoophiyaa keessatti akka hin babal’anne ittisuuf taasifamu deeggaruun irratti hirmaachuudha.
Cheek deeskiin Itiyoophiyaa sakatta’iinsa dhugaa raawwachuun odeeffannoowwan miidiyaa hawaasaa fi miidiyaalee irratti maxxanfaman calaluun dubbistoota isaaf ni dhiyeessa.

Deeskiin kun daataa calalamee kana fuula miidiyaa hawaasaa fi barruulee oduu qopheessee ji’atti al lama dhaabbilee miidiyaa fi gaazexeessitootaaf ergu irratti dabarsa. Cheek Itiyoophiyaan odeeffannoo sobaa Itoophiyaa irratti hojjechuu erga eegale yeroo muraasa ta’us, amma garuu qooda fudhattoota dirree kanarratti iddoo guddaa qaban keessaa tokko ta’eera.

Kana malees Cheek Itiyoophiyaan leenjii adda addaa ni kenna.
Leenjiin kun gaazexeessitootaa fi namoota odeeffannoo mirkaneessuu irratti hirmaataniifi. Leenjiwwan kunneenis tamsa’ina odeeffannoo sobaa irratti kan xiyyeeffatan yoo ta’u, leenjiiwwan kun qooda fudhattoota adda addaa (dhaabbilee biyya keessaa fi biyya alaa odeeffannoo sobaa irratti hojjetan) waliin ta’uun kan geggeeffamudha.

Cheek Itiyoophiyaan odeeffannoo miidiyaa hawaasaa fi sabahimaalee hawaasaa irratti sakatta’uu bira darbee wiixata yeroo hunda maxxansa odeeffannoo adda addaa qooda.
Odeeffannoon qoodnu odeeffannoo sobaa ta’usaa akkamitti akka adda baasnu, akkasumas meeshaaleen adda baasuuf gargaaran maal akka ta’an ni qorata.
Yeroo adda addaatti Cheek Itiyoophiyaan odeeffannoo falmisiisaa fi mormisisaa yeroo argatu odeeffannoo kana fudhatee qaama dhimmi ilaallatuuf dhiheessa.